Mundarterzählungen

von Hans Niedermayer

Mir muss sich auskenne

Wie  ich  mit  meim  Weib  so  a  zwei  Johr  do  in  Deitschland  ware,  han  ich  mer  vor  gholl  das  ich  mer  a  Foto  Apparat  kaafe  wär.  Mei Weib war  glei  dervor,  sie  hat  gsaat,  wann  ich  mich  auskenn,  vor  den  zu  Verhandiere,  un  noh  noch  des  fertich  bring  vor  Bilder  mache,  do  tät sie sich  ach  gfreihe. Ich  sin  noh  druf  kumm,  dass  mei  Großvater  jo  ach  Fotograf  war,  un  Bilder  vor  die  ganzi  Leit  in  unserem  Dorf gmacht  hat,  dann  wär  ich  doch  aach  des  fertich  bringe.

Ich  han  dann  in  dem  Quelle  Gschäft  a etwas  teiere  neije  Japanische  Foto  Apparat  kaaft.  Der  Verkäufer  hat  mich  noch  a  bisl  Inglernt,  un mer  ach  gezeigt,  wie  mer  mit  dem  umgeht.  Vor  a  Film  in  den  Apparat  nin  tun  un  raus  holle  hat  mer  mei  Weib  gar  net  zu  getraut,  sie hat  gsaat,  dass  ich  des  niemols  lerne  wär.  Mit  dr  Zeit  han  ich  mich  doch  ao  a  bisl  aus  gekennt.  Ich  han  in  dr  Familie,  un  wann  mir mol  in  Urlaub  gfahr  sin  Bilder  gmacht,  mit  deni  mir  immer  stark  froh  ware  wann  mer  se  noh  eener  Zeit  angschaut  han.

Dann  hat die  Schul, in  dere  unser  Enklskind  schun  a  längeri  Zeit  Gitarre  spiele  glernt  hat,  an  eem  Sunnta  mit   die  anri  Schiller,  die  ach a  Musich  Instrument  spiele  glernt  han,  a  Großartiches  Musich  Konzert  Organisiert.  Bei  dere  Feierlichkeit  hat  unser  Enklskind  natirlich  ach uns  Inglad,  dass  mir doch  ach here  kenne,  was  sie  uner  dere  Zeit  glernt  hat,  un  wie  scheen  sie  spiele  kann.

Mei  Weib  hat  iwer  mich  gsaat,  dass  ich  jetz  die  Gelegnheit  han,  mei  Kenntnise  mit  dem  Fotografiere  aach  zu  zeige.  Mir  sin  a  bisl  spot in  dem  Saal  ankumm,  awer  doch  in  Zeite  vor  dem  Konzert.  Der  Owerlehre  hat  grad  a  Ansprache  ghall,  un  die  Leit  gsaat,  wie  die Schiller  sich  Müh  gin  han  vor  mit  ihre  Instrumente  zu  lerne,  dass  se  mol  spiele  kenne.  Dann  hat  nochmol  a  Lehrerin  den  Owerlehrer gelobt. Un  aus m  Saal  a  Vater  vun  em  Schiller,  hat  wieder  die  Elter  vun  deni  Schiller  Gelobt.  Vun  dere  ganzi  Lowerei,  han  ich  mich sogar  schun selwer  Lowe  wille. Ich  han  vore  an  dem  Tisch  mit  noch  anri  Leit  gstann,  un  han  een  Knipser  noh  dem  anre  gmacht. Dann hat  eener,  der  ach  am  Tisch  ghuckt  hat  iwer  mich  gsaat.  Dass  ich  ihm  aach  phaar  Bilder  zu  kumme  losse  soll.

Wie  des  Konzert  rum  war,   sin  die  Elter  mit  ihre  Kiner  in  den  Garte,  was  newer  dem  Saal  war  gang.  Ich  han  mei  Familie  vun  alli  Seite fotografiert.  Noh  deni  Bilder  wu  ich  den  Taa  gmacht  han,  hätt  der  Film  schun  am  End  sin  misse,  es  is  awer  noch  gang,  ich  han  immer noch  Fotografiere  kenne,  un  han  mich  schun  gfreit  wann  ich  die  Bilder  aus  arweite  loss,  wie  scheen  die  sin  wäre.  De  anre  Taa  sin  ich glei  in  des  Fotogschäft  vor  die  Bilder  Ausarweite  gang.  Der  Mann  in  dem  Gschäft  is  in  a  Dunklkammer  gang  vor  den  Film  raus  holle. Wie  er  noh  eener  weil  zuruck  kumm  war,  hat  der iwer  mich  gsaat,  dass  in  dem  Apparat  gar  khe  Film  drin  is.  Na  do  hätt  ihr  mol  mei Weib  here  solle,  was  die  alles  iwer  mich  gsaat  hat.

Hans Niedermayer

Nov 2015
Aug 2015
Apr 2015
Mar 2015
Nov 2014