Mundarterzählungen

von Hans Niedermayer

Alles war umasunscht

In  dr  langi  Gass  ganz  am  End  in  unserem  Dorf,  hat  de Summer  Franz  mit  seim  Weib  gwohnt,. Eigentlich  war  des  gar  net  sei  richtiche Name  gwen,  des  war  vielmehr  sei  Spott  Name.  Den  hat  er  awer  vun  seim  Vater  Geerbt, un  sei  Großvater   hat  den  Name  ach  schun ghat. Er  hat  Johre  lang  die  Leit  iwerzeihe  mechte,  dass  er  a  ganz  anre  Name  hat.  Es  war  alles  uma  sunscht,  die  Leit  han  ne  doch besser mit  seim  Spott  Name gekennt. De  Summer  Franz  hat  zwei  Duzen Joch  Feld  in  unserem  Hottar  ghat,  was  er  net  ghat  hat  ware  die Kiner,  die  han  lang  uf  sich  warte  glosst.  Im  Summer  war  khe  Zeit,  dass  mer  sich  mit  deni  befasse  hätt  kenne,  un  de  Winter,  der  war  a jedes  Johr  a  schlechti  Zeit  vor  die  Bäsl  Gretl,  weil  sie  ziemlich  a  jede  Winter  starki  Migräne  ghat  hat .Un  im  Winter  hat  mer  domols es Petrolium  Licht  an  gebrennt, dass  im  Zimmer  hell is,  un  das   mer  beim Verzähle sich  ins  Gsicht  schaue  hat  kenne.

Un grad  in  dem  Winter hat  die  Bässl  Gretl  wieder  so  starki  Migräne  kriet,  dass  ihre  Kopp  so  gebrummt un  Weh  getun  hat,  dass  se  vun Schmerze  bal  gar  net  aus  die  Aue  raus  gsiehn  hat..  Un  weil  mer  schun  a  Wuch  vorher  khe  Petrolium  kaafe  hat  kenne,  weil  bei  dem Schnee  kens  ins  Dorf  kumm  is.  Hat  de  Vettr  Franz  un  die  Bäsl  Gretl  sich  schun  glei  an  sellem  Owet  ins  Bett  gleet.  De  Vettr  Franz, hat vor  dem  Schlofe  gehn noch a  gute  Schluck  vun  seim  Wein getrunk, un  is  bal  Ingschlof, er  hat noh wie  a  Blosbalch  Gschnorcht.  Derweil  die Bäsl  Gretl  vor  Schmerze  am  ganze  Kopp  net  Schlofe  hat  kenne.  Uf  dere  ihre  Jommrerei  is  de  Vettr  Franz  Wackrich  gin  un  hat  sei Weib  gfroht,  ob  er  ihre  irgend  wie  helfe  kann.

Die  Bäsl  Gretl  hat  gsaat,  wann  er  su  gut  mecht  sin,  sie  hat  draus  in  dr  Kuchl  in  ihrem  Blind  Fenschter  a  kleni  Flasch  mit Franzbranntwein die  soll  er  bringe,  un  mit  dere  soll  er  ihre  Kopp  un  die  Schlääf  inwäsche.  Gfall  hat  m  Vettr  Franz  des  jo  net,  er  is awer doch    ufgstan,  hat  sich  in  dere  dunkli  Kuchl  mit  die  Händ  an  dr  Mauer  vor  Gschlich,  hat  Gment  das  er  des  Blind  Fenschter  gfun  hat, un  hat  vun  dorte  die kleeni  Flasch raus  gholl  un  hat  sei  Weib  am  Kopp  un  im  Knack   gut  mit  dere  Flisichkeit  ingwäscht.  Die  Bäsl  Gretl hat  sich  noh  dere  Prozedur ach  besser  gfiehlt,  nor  ihre  Gsicht  hat  a  bisl  gebrennt  noh  dem  ihre  Mann  se ab  gwäscht  hat.  Un  weil  sie dorch  ihre  Naas  khe  Luft  kriet  hat,  hat  sie  ach  den   Geruch  vun  dem  was  in  dr  Flasch  war  net  rieche  kenne.  Sie  is  dann  doch  noh eener  guti  weil  Ingschlof.

De  anri  Morjet,  hat  se  sich  schun viel besser  gfiehlt un  is  ganz  fruh  uf  gstan,  hat  wie  a  jede  Morjet  ihre  Küh Gmolk  un  hat  die  Milich  in die  Gnossnschaft  getraa.  Wie  sie  bei  ihre  Schwester  am  Haus  mit  dere  zamm  kumm  war,  is  die  a  bisl  Verschrock,  sie  hat  gsaat,  Gretl wie  schauscht  dann  du  aus,  kumm  mol  rin  zu  uns  noh  schauscht  dich  in  de  Spiegl.  Wie  se  sich  gsiehn  hat  wie  se  aus  schaut,  hat  se sich  in  Zeite  Gwäscht  bevor  die  Leit  im  Dorf  se  gsiehn  hätte.  Ihre  Mann  hat  in  dr  vergangeni  Nacht  die  Fläscher  vertauscht,  anstatt  des Franzbranntwein  hat  er  in  dr  dunkli  Nacht die  klen  Flasch  mit  dere   Tinte  derwischt die  er  vor  phaar  Täch dorte  im  Blind   Fenschter  ab gstellt  hat.Sei  Weib  hat  alli  Waschmittle,  die  mer  domols  kriet  hat  aus  prowiert,  dass  se  die  Tinte  aus  ihrem  Gsicht  un  Hals  raus Wäsche  kann.  Es  war  alles  umasunscht,  a  bisl vun  dere  Tinte  is  doch  an ihr  henge  geblieb.

Hans Niedermayer

Nov 2015
Aug 2015
Apr 2015
Mar 2015
Nov 2014