Mundarterzählungen

von Hans Niedermayer

Was em alles infallt

Wann  die  Sunne  bei  uns  im  Dorf  im  Summer  noch  gar  net  aus  die  Reschitzare  Berche  gschaut  hat,  dann  ware unser  Leit  schun  lang im Kukruzfeld  gwen,  un  han  den  mit  dr   Hack  vun  dem  vieli  Graas  sauwer  gmacht,  un han  den  Angheiflt. Em  Hansi  sei  Vater  hat  im  schun den  Taa  vorher  angsaat  was  im  Hof  un  Stall  zu  mache  is, solang  sie  in  dr  Arweit  sin.  Do  han  die  Kleeni  Schweindle,  was  sei  Vater vor eener  Wuch  abgspeend  ghat  hat,  a phaarmol  im  Taa,  so  leichtes  zufresse  mit  Milich  krien  misse   Gfall  hat  es  em  Hansi  jo  net,  weil  doo hat  er  mit sei  Kumrade  net  de  ganze  Taa   die  Vögl  Neschter in  dr  Strooß  suche  kenne  gehn.  Dann  sin  sei  Kumrade  zu  im ins  Haus kumm,  dass  er  doch  um  so  a  Zeit  net  a  leenich  is.  Wie  er  un  sei  Kumrade  khe  Luscht  mehr  ghat  han vor  im  Treetplatz  Versteckle spiele  han  sie  deni  vieli  Schweindle  zu  gschaut  wie  die  sich  in  dere  Baseen  in  dem Wasser was  dort  drin   war  Baade  tun,  die  Baasen hat  sei  Vater  extra  vor  die  Schweindle  aus  Beton mache  glosst.

Wem  die  Idee  vun  seini  Kumrade  ingfall  is,  kann  mer  heint  nimi  saan,  eene  vun  ihne  hat  gsaat,  dass  er  de Vettr Mischko  in  seiner Gass gischter  gsiehn  hat,  wie  der  ganz  schepp  aus m  Wertshaus  hem  gang  war,  der  muss  zu viel  Schnaps  getrunk  han,  han  se  gment.  Kennt mer  net  aach  bei  die  Schweindle  versuche  ob  die  aach  schepp gehn  wann  se   Schnaps  trinke,  hat  eener  vum  Hansi  sei  Kumrade  gsaat. De  Hansi  hat  sich  des  net  zweimol  saan glosst,  er  is  in  die  Speis,  dorte  wu sei  Vatr  die  Fläscher  mit  dere  Saft  stehn  ghat  hat,  un  hat phaar  Fläscher  vun dem  gebrung.

De  Hansi  hat  in  des  Zufresse,  was  sei  Vater  mit  Kuh  Milich  angricht  ghat  hat,  un  in  eener  großi  Kantl  in  dr Speis  stehn  ghat  hat,  den Inhalt  vun  zwei  Fläscher  in  die  Kantl  gschitt.  Wie  er  des  ganzi  in  den  Trooch  geleert hat,  han  schun  die  Kleeni  Schweindle  des  Fresse Gurich  runer  gsoff.  Ihre  Kokosch  der  sich  die  Kurasch  gholl hat, un  sich  net  vun  die  Schweindle  vertreiwe  glosst  hat,  der hat  ach  vun dere  Brie  gsoff.

De  Hansi  un  sei  Kumrade  han  sich  gut  Unerhall,  wie  sie  deni   Schweindl    zu  gschaut  han,  wie  die  sich  an  den Trooch  gedränkt  han,  a jedes  hat  mehr  Fresse  mechte.  Die  Meischti  Schweindle  sin,  wie  der  Trooch  leer  war  a phaar  Schritt  gang  dann  han  se  angfant  zu Thorgle,  phaar sin  sogar  uf  die  Erd  gfall  un  han  mit  die  Fieß gstramplt. vieli  vun  ihne  han  gar  nimi  die  Fieß    riehre  kenne.  Sie  han  im ganze  Hof  rum  gelee.  Der  net  mit kriet  hat,  was  die  Schlimmi  Buwe  gmacht  han,  war  uf  dr  Meinung  das do  a  Krankheit aus  gebroch is. Wie  die Kumrade  gsiehn  han,  was  do  passiert  is,  han  se  schnell  des  Gassetierl  vun  draus  zu  gmacht  un  sin  hem  gloff.

Wie  em  Hansi  sei  Vater  am  Owet  hem  kumm  war,  un  es  Tor  uf  gmacht  hat,  dass  mer  mit m  Waa  in  de  Hof fahre  kann,  is  er  stark verschrock, weil  er  ihre  Kokosch  gsiehn  hat der  es  bis  ans  Tor  gephakt  hat,  un  dorte  leije geblieb  is. Wie  er dann  in  de  Hof  gschaut  hat un  die  Schweindle  dorte  rum  leije  gsiehn  hat."  Um  Gottes  Wille" hat  er  gsaat,  was  is  do  passiert.  Wie  er  dann  a  Schweindl  vun  dr  Erd uf  ghob  hat,  un  des  noh  Schnaps  geroch hat,  dann hatt  er  glei  gwisst,  dass  do de  Hansi  un  sei  Kumrade  etwas  gmacht  han,  was  net richzich  is..De  Hansi hat  noh  khe  Ausweech  mer  gfun    un  hat  noh  seim  Vater  mit  viel  gejommers  die  Wohrheit  gsaat,  was  er  un  sei Kumrade  mit  die  Kleeni  Schweindle  gmacht  han.  De  Hansi  hat noh  als  Stroof  vor  die  ganzi  Schul  Ferien,  in sellem  Johr  Haus  Arrescht kriet.  Er  hat  awer  seini  Elter  hoch  un  heilich  versproch,  dass  er  so  etwas  nie  mehr mache  werd.

Hans  Niedermayer   

Nov 2015
Aug 2015
Apr 2015
Mar 2015
Nov 2014