Mundarterzählungen

von Hans Niedermayer

Immer uf dr Fuhr

De  Vettr  Franz  hat  mit  seim  Weib  in  dr  Langi  Gass  bei  uns  im  Dorf   Gwohnt,  er  hat  a  scheenes  Haus  mit  eem  große  Garte  ghat.  Was  er  sich  awer  sei  ganzes  Lewe  lang  gwunsch  hat  is  net  ingetroff,  er  hätt  so  gere  a  Kind  ghat. Er  war  a  stark  Gleiwiche  Mensch,  un  hat  sich  gedenkt,  wann  halt  nicks  kummt, soll,s  net  sin. Dem  Vettr  Franz  sei  Weib  hat  sich  mit  alli  Kreiter  Beschäficht,  mit  deni  mer  Tee  koche  kann,  sie  hat  die  meischti  im  Garte  Gezicht,  un  die  aneri  is  sie  bei  Zeite  ufm  Hottar  un  Wald  samml  gang. Dann  hat  se  die  Kreiter  im  Dorf,  dorch,s  ganzi  Johr  verkaaft.  Darum  war  in  ihrem  Haus  khe Streit  un  aach  khe Not  an  nicks gwen. De  Vettr  Franz  hat  sich  zu  meischt  mit  dr  Fuhr  beschäfticht.  Er  is  um  de  Lohn  vor  die  Leit  wu  khe  Roß  un  Waa  ghat  han  iweraal  hiengfahr.  Er  hat  die  kranki  Leit  bis  uf  Tschakowa  zum  Dokter  gfahr, er  hat  oft  de  Notäri  uf,s  Grundbuchamt  gfiehrt un  hat  de  Dokter,  der  in  Banlok  gwohnt  hat  wu  er  aach  sei  Praxis  ghat  in  unser  Dorf  gebrung.  Wann  die  Schul  Kiner  a  Impfung  kriet  han,  oder  die  Mumps  un  aneri  krankheite  ghat  han,  hat  er  den  in  allem  Unwetter  aach  ins  Dorf  bringe  misse. Es  war  in  eem  Johr  im  Winter  wu  aarich  kalt  war  und  schun  bal  a  halwe  Meter  hoch  Schnee  gelee  hat,  dann  hat  de  Vettr  Franz  de  Vorstand  vum  Jägerverein  uf  Tschakowa  fiehre  misse,  der  Mann  hat  aarich  Phansweh  ghat,  un  hat  iwer  de  Vettr  Franz  gsaat,  wann  ne  niemand  fiehrt,  dann  muss,r  Sterwe.  gere  hat  de  Vettr  Franz  bei  so  eem  Wetter  net  fahre  mechte,  es  war  sei  Profesion,  hat,r  sich  gedenkt,  un  hat  sei  Schliede  zammgricht,  hat  zwei  Fußsäck,  eeni  vor  sich  un  eene  vor  den  Mann  vum  Jägerverein  uf  de  Schliede  getun  un  is    mit  dem  Mann   was  aarich  gjommert  hat   aach  aus,m  Hof  gfahr.  In  dr  Gass  phaar  Heiser  nuf  zusich,  hat  de  Kleen  Mischko  mit  em  Fassl  mit  Finfunzwanzich  Liter  Aprikoose  Racki  gstan,  den  de  Vettr  Franz  mit  uf  Tschakowa  holle  soll  un  dem  Kleen  Mischko  seim  Schwoor  Iwergin  soll.  Sie  han  des  Fassl  in  de  Schragl  verplaziert,  un  sin  weiter  gfaar.  De  Wind  hat  stark  vun hine  geblost,  so  das  de  Vettr  Franz  stark  Owacht  gin  hat  misse,  dass  er  im  mitte  Wech  bleibt.  De  Vettr  Franz  hat  jo  alli  Wecher,  wu  er  gfahr  is  ausewenzich  gekennt,  darum  is  er  aach  desmolrum  in  eem  newetz  Wech  uf  Tschakowa  zum  Dokter  gfahr.  Vor uff  dr  Haupt  Strooß  fahre  hat  er  sich  net  gedraut,  weil  dorte  so  tiefi  Gräwer  ware.  Er  hat  Ängschter  ghat  wann  se  dort  nin  falle  nimi  aus  eigener  Kraft  raus  kumme.  Aach  in  dem  newetz  Wech  is  es  oft  vorkumm,  dass  er  a  Zeitlang  gar  net  uf,m  Wech  war.  Un  es  hat  stark  weiter  Gschneet,  sogar  de  Wind  hat  stärker  gebloost.
Sie  sin  gut  in  Gilad  ankumm,  un  sin  im  eerschte  Wertshaus  stehn  geblieb,  dass  se  sich  doch  a  bisl  Ufwärme.  Der  Wert  war  a  all  bekante   Mann  der  gere  mit  anri  Leit  sei  Schawernak  getrieb  hat.   Der  Hat  raus  gfun,  dass  de  Vettr  Franz  a  Fass  mit  Racki  im  Schragl  hat,  Hat  den  noh,  wie  die  zwei  sich  Ufgwärmt  han  um  getauscht,  in  dem  war  awer  khe  Racki  mehr  drin,  nor  lauter  Wasser.   Wie  sie  beim  Dokter  ankumm  ware,  is  es  schun  gejer  Owet  gang,  un  de  Vettr  Franz  hat  mit  großi  Sorche  uf  de  Himml  gschaut,  so  a  Fuhr  hat  er  schun  lang  net  ghat,  hat,r  sich  gedenkt.  Wie  der  Dokter  den Mann  vum  Jägerverein  Unersucht  ghat  hat  des  hat  a  Zeitlang  gedauert.  Noh  hat  der  Dokter  dem    Vettr   Faltin,  so  hat  der  Mann vum  Jägerverein  gheest,  a  Krischtier  verschrieb  un  ach  klei  die  dorch  gfiehrt.  De  Vettr  Faltin  hat  gejuckst, wie  die  Krischtier  bei,m  angwent  gin  is, dass  mer,s  bis  uf  die  Gass  heere  hat  kenne.  Wie  de  Vettr  Faltin  fertich  mit  der  Behandlung  war,  un  sei  Tax  gezahlt  hat,  wollt,r  a  Medezin  vun,m  Dokter  han,  der  hat  noch  iwer  de  Vettr  Faltin  gsaat,  er  soll  nor  ruhich  hemfahre,  derhem  soll  er  awer  immer  Esse  niemols  Fresse  dann  brauch  er  khe  Medezin. De  Vettr  Franz  hat  seini  Roß  an  eem  Pumpbrunne  noch  Wasser  gin,  dann   han  se  den  Racki  zum  Kleen  Mischko  seim  Schwoor  gfiehrt.  Wie  die  noh  dem  den  Racki  Verkoscht  han,  han  se  gmerkt  das  des  jo  lauter  Wasser  is. De  Vettr  Franz  hat  des  Fassl  wieder  mit  hem  holle  misse. Iwerem  Hem  fahre  hat  der   Wind   den  Schnee  die  Roß  un  em  Vettr  Franz  stark  vun  vore  in,s  Gsicht  gebloost  so  das  se  schun  bal  gar  nicks  gsiehn  han,  dann  war  es  noch  stark  Newlich  gin.  De  Vetr  Franz  hat  sich  großi  Sorche  gmacht,  un  hat  sich  gwunsch  das  er  un  sei  Roß  gsund  hem  kumme.  In  Gilad  sin  se  gut  an  kumm,   un  sin  schun  nochmol  zu  dem  Wert  ingekheert,  vor  sich  Ufwärme.  Der  Wert  hat  denni  zwei  gute  Gliehwein  ingschenkt,  un  hat  desmol  rum  ihre  eigenes  Fassl   mit  Racki  in  de  Schragl  gstellt,  un  hat  sei  Fass  mit  Wasser  schnell  runer  ghol.  Es  war  schun  weit  iwer  Mitternacht  wie  sie  derhem vor  dem  Kleen  Mischko  seim  Haus  gstan  han  un  des  Fassl  iwergin  han,  un  dem  gsaat  han,  dass  sei  Schwoor   gsaat  hat,  dass  er  besseres  Wasser  in  Tschakowa  hat  wie  des  was  in  dem  Fassl  is.  De  Kleen  Mischko  hat  klei  des  Fass  an  gezappt  un  hat  mit  em  Vettr  Franz  un  Vettr  Faltin  des  Verkoscht  was  im  Fass  drin  is,  Es  war  reine  un  gute  Aprikoose  Racki  im  Fass.  De  Vettr  Franz  hat  schun  so  a  kleeni  Ahnung  ghat  vun  wu  des  Wasser  kumm  war,  un  hat  sich  vor  gholl,  dass  er  niemehr  mit  solchi  Sache  bei  dem  Wert  stehn  bleibt.     

Hans  Niedermayer

Nov 2015
Aug 2015
Apr 2015
Mar 2015
Nov 2014