Mundarterzählungen

von Hans Niedermayer

So war es un net anerschter

De  groß  Franz  war  a  gar  Schlaue  Buu  eene  gwen,  er  hat  immer  alles  bei  Zeite  gwisst,  net  so  wie  die  anri  Buwe  im  Dorf,  er  hat  ach immer  bevor was gsaat  hat  sich  lang  Iwerleet,  dass  es  aach  a  Sinn  ghat  hat,  er  hat  ach  gere  sich  mit  älteri  Leit   Unerhall,  was  vieli vun seini  Kummrade  net  kenne  han.  Un  was  er  Verzählt  hat,  des  war  zu  Neinzich  Prozent  Woohr.  Er  war  vun  seiner  Statuur   groß gwen, Er hat  mit  sei  Kummrade  a  jede  Owet  beim  Domnik  hinne  in  dr  Summer  Kuchl  ums  Geld  Karte  gspielt.  Doo  is  als oft  passiert das  em Domnik  sei  Vater  se  hem  gjaat  hat.  Wann  die  Uhr  schun  lang  die  zweiti  Stund   in  dr  Nacht  gschlaa  hat.

Erinnere  kann  ich  mich   noch  uff  die  Zeit, wu  de  Franz  es  letschti  Johr  in  die  Schul  gang  war.  De  letschte  Welt  Kriech  war  noch  im vollem  gang,  domols  hat  mer  es  Johr  Neinzehnhunertvierunverzich  gschrieb.  Un  alli  Lehrer  die  Gsundi  Glieder  ghat  han,  ware  Ingruckt, so  das  sogar  die  Weiwer  in  dr  Schul  Unerricht  han,  die  nor  phaar  Johr  in  dr  Kloschter  Schul  gwen  ware.  Mir  han  die  Frau  Hess,  des war  em  Schwarz  Ludwich  sei  Motter  in  dem  anfang  vun  dem  Johr  ghat.  Die  hat  awer  nimi  Unerrichte  derfe,  vor  was?  wees  ich  heint aach  nimi.

Dann  han  mir a  Lehrer  kriet,  der  in  dere  Temeschware  Lehrer  Bildungs  Anstalt  Studiert  hat,  der  hat  dann  die  Schiller  vun  dere  finfti  bis zur  sieweti  Klass  es  lerne  bei  bringe  selle.   Er  war  a  gute  Lehrer,  un  hat  aach  die  Schiller  niemols  Verschlaa.  Er  hat  a  Behinderte  Fuß ghat,  darum  hat  er  aach  net  Inrucke  misse.  Ach unser  Dorf  Pharre  hat  dreimol  in  dr  Wuch  a  Stund  in  unser  Klass  die  Religions  lehre Unerricht. Er  hat  a  ganz  lockeri  Hand  ghat,  un  er  war  aach  immer  gut  Ufgleet  vor  a  kleene  Spaß  zu  mache.  Er  hat  die  Rut  mit  eem End  eem  Buu  ufs  Ohr  gleet  un  mit  dem  anre  End  eem  anre  Buu   ach  ufs  Ohr.  Un  wann  se  vun  allenich  runergfall  is,  weil  eene  vun die  Buwe  mit  die  Ohre  gwacklt  hat.  Dann  hat  er  ihne  solang  uf  die  Ohre  gschlaa, solang  er  Luscht  ghat  hat.  Bei  eem  kleenschte  Vorfall hat  er  deni  Schiller mit  dr  Rut  uf  die  Fingerspitze  gschlaa  die  net  des  glernt  han  was  er  den  Taa  vorher  angschaft  hat.

Immer  Montags  wann  er  zu  uns  in  die  Klass  kumm  is,  hat  er  sei  eeni  Hand  links in  die  höh  ghob,  un   dann  die   rechts  ach  in  die  höh. Des  hat  so  viel   gheest,  dass  die  Schiller  Uf  stehn  misse,  die  was  am  Sonnta  net  in  dr  Kerch  gwen  ware.  Oft  is  es  halt  vor  kumm  das die  Kiner,  die  weit  vun  dere  Kerch  gwohnt  han,  net  weger  dem  schlechte  Wetter  in  die  Kerche  Mess  gehn  han  kenne.  Iwerhaupt  im Winter  war  des  ganz  Schwierich  vor  die   was  ganz  am  anre  End  vun m  Dorf  gwohnt  han.

Wie  noh  die  Schiller  in  ihre  Bank  stehn  han  misse,  hat  de  Pharre  se  Enzlweis  gfroht,  warum  se  net  in  dere  Sunntags  Mess  ware,  doo ware  vieli  uner  ihne  wu  a  ganz  Komplizierte  fall  an  gin  han,  manchi  vun  ihne  han  geloo  das  mer s  greife  hat  kenne.  Zumm  Schluss  hat a  jeder  sei  Stroof  kriet,  es  ware  derbei  die  zu  stark  den  Pharre  hineres  Licht  fiehre han Wille.  Die  han  noh,  uf  a  jedi  Hand  finf  mol  mit dr  Rut  druf  gschlaa  kriet,  un  han  nochmol  Fufzich  mol  in  ihre  Heft  schreiwe  misse    "  Man  darf  den  Sonntäglichen  Gottes  Dienst  nicht Schwänzen"  Die  was  a  kleenere  Fehler  beim  Liehe  gmacht  han,  sin  mit  phaar  Hipp  uf  de  Hinre  derfun  kumm.
Es  war  an  eem  Taa,  doo  hat  uns  der  Herr  Pharre  in  eener  Stund  vun  der  Enstehung  der  Welt  Verzählt.  Er  hat  die  Stund  so  Ernscht gholl,  un  hat  die  Schiller  druf  Ufmerksam  gmach,  dass  e  jeder  gut  hien  horche  muss  was  er  saat,  dass  mer  de  nächschti  Stund  Wisse misse  was  er  heit  uns  Vezählt  hat.De  Franz  war  in  dr  großi  Pause  beim  Kaufmann  Adam  un  hat  dorte  Texnägl  kaaft,  un  mit  deni  hat er,  wie  der  Herr  Pharre  den  Vortrach  ghall  hat,  uner  der  Bank  gspielt.  Des  hat  der  Pharre  gsiehn  un  hat  em  die  Nägl  wech  gholl.  Er hat  noh  gsaat  wann  die  Stund  rum  is  soll  der  Franz  se  noh  verlange.

Un  weil  mir  alli  schun  domols  vun  dere  Probaganda,  was   iwerall  gejer  den  Klerus  gmacht  gin is  mit  kriet  han,  hat  der  Franz  wie  die Stund  rum  war,  un  mir  schun  alli  unser  Schul  Rucksack  uff m  Buckl  ghat  han  vor  hem  gehn,  iwer  de  Pharre  gsaat  "  Pharre  gib  mer mei  Nägl"  Des  war  dann  doch  a  bisl  zu  viel  vor  unser  Pharre.  Der  is  uf  die  Bank  ghupst  un  hat  mit  eener  Rut  dem  Franz  so  lang  uf de  Kopp  gschlaa  bis  die  Verbroch  is.  De  Franz  hat  um  s  Frecke  net  gsaat,  Herr  Pfarrer  ich  bitt  schön  um  mei  Nägl,  so  hat  der  Pharre des  han  mechte.  Er  hat  dann  dem  Franz  sei  Nägl  uf  de  Fußbode  gworf,  dass  se  in  dere  ganzi  Klass  rum  gfloo  sin,  un  is  aus  der Schul  gang.   Die  Buwe  han  noh  em  Franz  gholf  die  Texnägl  in  dere  Klass  zamm  Raffe,  sunscht  wann  er  derhem  vun  seim  Vater  gfroht wär  gin,  wu  die  Nägl  sin,  un  er  se  net  ghat  hätt  es  nochmol  Schlä  ach  vun  dem  gin  hätt.

Hans  Niedermayer   

Nov 2015
Aug 2015
Apr 2015
Mar 2015
Nov 2014