Mundarterzählungen

von Hans Niedermayer

So ware domols die Zeite

Wie  unserem  Dorf   Angsiedlt gin  is,  han   in  die  eerschti  Johre  nor  Schwowe   doo  drin Gwohnt,  darum  han  die  Leit  aach  khe  anri  Sproch Rede  breiche.  Dann  sin  anri  Zeite  vor  unser  Leit  kumm,  die  nie  mehr  so  ware,  wie  unser  Dorfs  Inwohner  sich  des  gwunsch  han. In deni Johre  han  schun  die  meischti  jungi  Buwe  in  die  Ungarischi  Armee  Inrucke  misse,  wu  se  dann  aach  Ungarisch  lerne  han  misse,  dass  se doch  mit  ihre  Vorgsetzti  Ausbilder  sich  verstehn  han  kenne.  Leicht  war   des  net  vor  se.  Dem  Vetr  Kasper  sei  Buu  war  in  Seged ingruckt, un  er  hat  den  S  net  richtich  aus  seim  Maul  raus  kriet.  Wie  er  noh  es  eerschti   mol  Urlaub ghat  hat,   un  im  zuruck  fahre  sich in Temeschwar  am  Bahnhof    a  Kart  vor  weiter  fahre  holle  hat  wille.  Dann  hat  der  Mann  am  Schalter  gfroht  wu  er  hien  fahre  will,  de Kasper  hat  noh  gsaat  uf  Scheged,  weil  er  halt  des  S  net  saan  hat  kenne.  Der  Bahnbeamter  an  dem  Schalter  hat  a  Esls  Spedakl ufgfiehrt,  un  hat  die  Polizei  gruft.  De  Kasper  is  noch  in  Zeite  dervun  gloff,  un  is  zufuß  an  die  Sankt  Andreeser  Bahnstation  gang,  vun wu  er  dann  weiter  gfahr  is.

Des  hat m  Groß  Matze  Jergl vun  unserem Dorf net  passiere  kenne,  weil  der  in  gar  kenner  Armee  gedient  hat.   In  selli  Johre  wie  er  die Wertschaft  vun  seim  Vater  iwerholl  hat,  hat  des  Banat  un  unser  Dorf  schun  zu  Rumänien  gekheert.  Er  hat  noh  phaar  Jocher  Thuwak um Teil  Verarweite  glosst,  dann  hat  er  net  Inrucke  breiche.  Un  die  Rumänischi  Sproch  hat  domols   in  unserem  Dorf  netmol  unser  Dorfs Lehrer  Rede  kenne.

Der  Groß  Matze  Jergl  war  gar  net  so  groß,  wie  die  Leit  ne  im  Dorf  mit  seim   Spot Name  gekennt  han.  er  war  a  ziemlich  Kleene  Mann gwen,  vor  des   war  er   iwer  Hunert  Kilo  schwer  gwen.  Sei  Weib,  des  ihm  sei  Godl  vermacht  hat, die  war  vun  drei  Derfer  weiter  vun unserem  Dorf  Gwohnt,  un  war  viel  größer  wie  er.  De  Jergl  war  net  mol  a  anerthalwe  Meter  groß  gwen.  Sie  zwei  han  gar  net  zamm gepasst.  Gepasst  hat  awer  des  Vermehe  was  se  ali  zwei  mit  in  die  Heirath  kriet  han.  Darum  han  die  ach  des  was  die  Leit  im  Dorf iwer se  Gered  han  gar  net  in  ihre  Ohre  rin  glosst.

Dann  hat  sich  beim  Jergl  in  dr  Gass  a  Nochber  Streit  gin,  Eigentlich  han  deni  ihre  Weiwer  den  Streit  angfangt,  un  die  Männer   han dann  vor  em  Jergl  seim  Haus  Geraaft,  dass  se  sich  im  Staab  gwenzlt  han.  Dann  is  de  Jergl  mit  noch  a  phaar  Gasse  Leit  hien  gloff, un  han  se  ausananer  gmacht.  Des  hat  gar  net  so  lang,  noh  dem  vorfall vor  seim  Haus  gedauert,  dann  hat  de  Jergl  vun  dem Tschakoware  Gericht  a  Vorladung kriet,  wu  er  als  Zeihe  saan  hat  selle  was  er   bei  dere  Raaferei   gsiehn  hat.

De  Jergl  war  nor  immer  mit  m  Waa  uf  dem  Tschakoware  Markt  gwen.  In  dere  Vorladung  war  awer  a  Fahrkart  drin  mit  dere   er  mit m Zug  zu  dere  Gerichts  Verhandlung  kumme  soll.  Er  war  noch  nie  in  seim  Lewe  mit  dem  Zug  gfahr,  er  hat  jetz  schun  Herz  Kloppe  ghat wann  er  nor  dran  gedenkt  hat.  Vor   dere  Lokomotiev  die  vor  an  deni  Wagone  dran  ghong  hat,  un  Schwarz  wie  a  Teiwl  war,  hat  er  a große  Reschpeckt  ghat,  un  weil  se  noch  so  hart  Gschnauft  hat,  dass  aus  alli  Löcher  de  Raach  raus  kumm  war,  hats  em  schun  a  bisl Ängschter  Ingjaad.  Darum  is  er  immer  liewer  mit  seini  Ross  un  Waa  gfahr.

Er  hat  sich  doch  noh  die  Kurasch  gholl,  un  is  zufuß  bei  dere  Hitzt  was  im  Summer  bei  uns im  Banat  war, an  den  Tolwadiner  Bahnhof gang,  un  hat  gewart  bis  der  Zug  vun  Gier  her  kumme  soll.  Wie  der  Zug  dann  im  Bahnhof  gstan  hat,  un  die  phaar  Leit  in  die  Wagone Ingstie  sin,  deni  gar  nicks  passiert  is,  hat  de  Jergl  sei  Ängschtre    nuner  gschlukt,  un  is  aach  in  a  Wagon  gstie.  Ach  in  deni  Wagone war  es  aarich  heis  gwen.  Er  hat  sich  in  eem  Kupee  platz  gsucht  un  hat  sich  grad  vor  denn  Gießer  Sepp  vun  Tolwadin  gsitzt,  Der  Sepp hat  glei  bemerkt  das  sei   Nochber  vore  an m vun  Dolatz  sin  kennt.  Er  hat iwer  denn  Jergl  dann  gsaat,  ihr  kennt  eng  net  so  hien  Sitze, weil  der  Zug  doch  vore  naus  fahrt. Un  alli  Leit  mechte  vorenaus  fahre.  Wann  ihr  so  Sitze  bleibt,  dann  wees  der  Zug  net  wu  er  naus fahre  soll.

De  Jergl  hat  sich  rum  gschaut,  un  Tatsächlich  han  die  phaar  Weiwer  so  gsitzt  wie  der  Gieser  Sepp.  In  dem  Wagon  war  arich  heis gwen,  dann  han  die  Weiwer  noch  Hingle  un  Gäns  uner  dere  Bank  stehn  ghat.  Een  Weib  hat  sogar  a  großes  Pinkl  mit  Brinzä  mit gfiehrt,  der  arich  gstunk  hat.  Dann  hat  de  Jergl  sich  newer  den  Sepp  ghuckt,  dass  doch  aach  er  vore  naus  fahrt.  Er  hat  noh  gfroht,  ob mer  do  khe  Fenschter bei  dere  großi  hitzt  uf  mache  kann.  Jo  jo  hat  de  Sepp  gsaat.  Dorte  zwischer  die  Fenschtre  is  so  a  Hooke,  denn muss  mer  nor  runer  ziehe  noh  gehn  alli  Fenschtre  in  enmol  uf.  Er hät  des  schun lang  gmacht,  hat  der  Sepp  gsaat,  awer sei  Händ  tun em  so  weh.

Un  weil  de  Gießer  Sepp  immer  denn  Jergl  ufgepuitzt  hat,  weger  deni  Fenschtere,  dann  hat  de  Jergl  sich  die  Kurasch  gholl,  is  uf  gstann un  hat  den  Hooke wu  der  Gieser  Sepp  ihm  gezeigt  hat  runer  gezoh.  In  dem  Moment   is  der  Zug  mit  eem  Starke  Rucker  stehn  geblieb. Es  hat  gar  net  so  lang  gedauert  war  der  Zugfiehrer  ach  schun  dorte.  Er  hat  die  Weiwer  gfroht  wer  des  war  was  an  dere  Notbrems gezoh  hat.  Die  Weiwer  han  uf  de  Jergl  gezeigt,  er  hat  noh  a   Saftichi  Stroof  Zahle  misse,  dann  is  der  Zug   wieder  weiter  gfahr. Den Gießer  Sepp  hat  er   an  sellem  Taa   nimi  gsiehn. De  Groß  Matze  Jergl  vun  unserem  Dorf  hat  sich dann  vor  gholl,  dass  er  niemehr wieder mit m  Zug  fahre  werd.

Hans  Niedermayer

Nov 2015
Aug 2015
Apr 2015
Mar 2015
Nov 2014